Kredit

Avtokredit «ASAKA MOTORS INTERNATIONAL»

«ASAKA MOTORS INTERNATIONAL» MCHJ tomonidan yetkazib beriladigan barcha rusumdagi avtomashinalarni sotib olish uchun iste’mol krediti.

5,90 % dan

Foiz stavkasi

60 oygacha

Kredit muddati

Avtomobil narxining 70% gacha

Kredit miqdori

Avtokredit ASAKA MOTORS INTERNATIONAL - «ASAKA MOTORS INTERNATIONAL» MCHJ tomonidan yetkazib beriladigan barcha rusumdagi avtomashinalarni sotib olish uchun ajratiladi

Kredit Avtotransport vositasini yetkazib berish shartnomasida belgilangan, kredit hisobiga sotib olinayotgan avtotransport vositasi narxining 70% miqdorigacha beriladi.

Qarz oluvchilar kredit muddati va boshlang’ich to’loviga qarab quyida taqdim qilinayotgan shartlardan biriga asoslangan holda o’ziga qulay foizni tanlashlari mumkin:

Kredit muddati va foiz stavkalari:

Boshlang’ich badal miqdori ( Avtotransport vositasini yetkazib berish shartnomasida belgilangan narxga nisbatan)	Kredit muddati / Yillik foiz stavkasi
	12 oy	18 oy	24 oy	36 oy	48 oy	60 oy
30 % dan boshlab	Kredit ajratilmaydi	16,0%	19,0%	22,0%	24,0%	24,5%
40 % dan boshlab	Kredit ajratilmaydi	13,5%	17,0%	20,5%	22,5%	24,0%
50 % dan boshlab	5,9%	10,0%	14,0%	19,0%	21,0%	22,5%

Kredit avtotransport vositasini ishlab chiqaruvchi korxona yoki uning rasmiy dillerlarining hisob raqamiga kredit mablag’larini to’liq ko’chirish yo’li orqali ajratiladi. Transh (bo’lib-bo’lib ajratish) shaklda kredit mablag’larini ajratish taqiqlanadi.

Avtotransport vositasini yetkazib berish shartnomasida belgilangan, kredit hisobiga sotib olinayotgan avtotransport vositasi narxining 30% dan kam bo’lmagan miqdorda taqdim etiladi.

Kredit va hisoblangan foizlarni to’lash kredit shartnomasida belgilangan tartibda va shartlarda annuitet yoki differensial to’lov usulida amalga oshiriladi.

Qarz oluvchi/Birgalikda qarz oluvchining alohida sof daromadi BHMning 6 barobaridan kam bo’lmasligi lozim.

Qarz oluvchi va Birgalikda qarz oluchining jami o’rtacha sof daromadining 50% kredit bo’yicha eng yuqori oylik to’lov hamda mavjud kreditlar/qarzlar bo’yicha o’rtacha oylik to’lov miqdorini qoplash uchun yetarli bo’lishi lozim.

Bank tomonidan kredit bo’yicha ta’minot sifatida quyidagilar qabul qilinadi:

·Asosiy ta’minot – sotib olinadigan avtotransport vositasi.

·Ushbu sotib olinadigan avtotransport vositasi ta’minot sifatida avtotransport qiymatining 70% dan ko’p bo’lmagan qiymatda qabul qilinadi;
·Kredit bo’yicha majburiyatlarni vaqtincha ta’minlash (asosiy ta’minot garov shartnomasini notarial yoki bank tomonidan mustaqil ravishda rasmiylashtirilguniga qadar) – sug’urta tashkilotining kredit va foizlar qaytmaslik xavfini sug’urta qilish polisi;
·Qo’shimcha ta’minot - sug’urta tashkilotining kredit va foizlar qaytmaslik xavfini sug’urta qilish polisi (kredit ta’minoti qiymatining yetmagan qismiga).

Kredit olish uchun Bankka quyidagi hujjatlar taqdim qilinadi:

1.Shaxsni tasdiqlovchi hujjat (pasport, ID-karta, yashash uchun guvohnoma va h.k.)

2.Avtotransport vositasining oldi-sotdi shartnomasi;
3.Kredit qaytarilishini ta’minlovchi hujjatlar;
4.Mijozning turmush o’rtog’i mavjud hollarda turmush o’rtogining kredit hisobiga sotib olinadigan avtotransport vositasining garovga taqdim etilishiga rozilik arizasi, turmush o’rtog’i mavjud bo’lmagan hollarda mijoz tomonidan kredit ajratish uchun ariza berilgan kunga nikoh mavjud emasligini tasdiqlovchi hujjat;
5.O’zini-o’zi band qilganlik to’g’risidagi guvohnoma.*
*kredit o’zini-o’zi band qilgan shaxslarga ajratilganda.

Qarz oluvchining o’rtacha oylik daromadlari to’g’risidagi ma’lumotlar bank tomonidan maxsus tarmoqlar orqali elektron shaklda mustaqil ravishda olinadi. Bunda daromadlar to’g’risidagi ma’lumotlar kamida oxirgi 6 (olti) oy uchun hisoblandi. Agar Qarz oluvchining o’rtacha oylik daromadlarini aniqlash imkoniyati bo’lmagan taqdirda, o’rtacha oylik daromadlarini va boshqa daromad manbalarini tasdiqlovchi hujjatlar Qarz oluvchidan talab qilinishi mumkin.

«ASAKA MOTORS INTERNATIONAL» MCHJning ma’lumotlari:
Toshkent sh., Yashnobod tumani, Oxangrabo ko’chasi 1B.
Telefon raqami: +998 55 503 77 67.
Rasmiy veb sayt: www.asakamotors.com