Bank obligatsiyalari

Korporativ obligatsiyalar  — aksiyadorlik jamiyatlari va o`zining tashkiliy-huquqiy shaklidan qat’i nazar tijorat banklari tomonidan chiqariladigan obligatsiyalar.

Chiqarilishning har bir obligatsiyasi uning egasiga teng huquqlarni taqdim etadi.

Obligatsiya egasi obligatsiyaning nominal qiymatini obligasiyada nazarda tutilgan muddatda olish, hamda ushbu chiqarishning shartlarida ko`zda tutilgan tartib va davriylikda obligatsiyaning nominal qiymatidan qatiy belgilangan foizni daromad sifatida olish huquqiga ega. 

Obligatsiya egasi O`zbekiston Respublikasi amaldagi qonunchilikka va obligatsiya chiqarish shartlariga muvofiq obligatsiyalarni erkin sotish va boshqa tartibda berib yuborish huqiqiga ega.

Obligatsiya bank yoki uning affillangan shaxslarning talablari bo`yicha garov ta`minoti hisoblanmaydi.

Bank qayta tashkil etilishi holatida obligatsiya egasi Bank tomonidan obligatsiyalar bo`yicha majburiyatlarni muddatidan oldin bajarilishini talab qilish huquqiga ega.

Bank tugatilishi holatida obligatsiya egasi unga tegishli bo`lgan pul mablag`larini Bank depozitorlari va boshqa kreditorlarining majburiyatlari qondirilganidan keyin va Bank qolgan mulki aksiyadorlar orasida taqsimlanishidan oldin olish huquqiga ega.

Obligatsiya egasi O`zbeksiton Respublikasi amaldagi qonuchiligida ko`zda tutilgan boshqa huquqlarga ham ega.