Kollegial organlar

Bankda quyidagilardan iborat korporativ boshqaruv tuzilmasi faoliyat yuritadi:

1. Bank boshqaruv organlari:

Aksiyadorlar umumiy yig`ilishi – Bank oliy boshqaruv organi.

Bank Kuzatuv kengashi - Bank faoliyatiga umumiy rahbarlikni amalga oshiradi, qonunchilik va Bank Ustavi bilan aksiyadorlarning umumiy yig’ilishi vakolatlariga kiritilgan masalalarni hal qilish - bundan istisno. Bank Kuzatuv kengashi huzurida quyidagi ikkita qo`mita faoliyat yuritadi:

• Auditorlik qo’mitasi. Audit bo’yicha qo’mitaning vazifalari: mustaqil auditorlar nomzodlarini Bank Kuzatuv kengashi tomonidan ko’rib chiqilishi uchun taqdim etish; mustaqil auditorlar bilan aloqada turuvchi shaxs sifatida xizmat qilish; auditorlik tekshiruvlarining hisobotlarini olish va ko’rib chiqish; Bank Kuzatuv kengashi oldida auditorlardan olingan ma’lumotlar bo’yicha hisobot berish.
• Xatarlar nazorati qo’mitasi. Bank xatarlarini nazorati bo’yicha qo’mitaning vazifasi Bankning moliyaviy ahvoliga xatarlarning, ya’ni Bank faoliyatida yuzaga keladigan kredit, valyuta, foizlar, operatsion va boshqa xatarlarning ta’sirini kuzatish, Bank tomonidan ushbu xatarlarni bartaraf etish bo’yicha choralar ko’rish va hisobga olishdan iborat.

Bank boshqaruvi – Bankning joriy faoliyatiga rahbarlikni amalga oshiradi, aksiyadorlarning umumiy yig’ilishi va Bank Kuzatuv kengashi vakolatlariga kiritilgan masalalar bo`yicha qaror qabul qilish huquqiga ega emas.

2. Bank ichki nazorati:

Ichki audit boshqarmasi – Bank boshqaruvi va uning tuzilmasini ular tomonindan O`zbekiston Respublikasi qonunchiligi, ta’sis va ichki hujjatlarga rioya etilishi, buxgalteriya va moliya hisobotlarda ma`lumotlarning to’liq va ishonchli aks ettirilishi, xo`jalik operatsiyalarni amalga oshirish qoida va tartibi, aktivlar butligi hamda korporativ boshqaruv prinsiplarini joriy etilishini ta’minlanishi bo`yicha tekshirishlar va monitoring o`tkazish orqali nazorat qilish va baholash bo`yicha ichki audit funksiyalarini amalga oshiradi.

Korporativ maslahatchi - Bankda korporativ qonunchilikka rioya etilishini nazorat qiladi.